САБЛЫҒ ЫРҶЫ ЧИР-СУУНДА ААЛЛАДЫ
30.03.2018
Хабарлар
Культура. Ширадағы Культура туразында Ираида Ахпашеваның пайрамнығ иирі ирткен
Хакасияның саблығ артизі Ираида Ахпашева пайрамнығ иирін чир-суунда ӧнетін иртірген. Аның тӧреен-ӧскен чирі - Шира аймаандағы Хызыл чул аал.
Культура туразында чон толдыра полған. Олар Хара кӧл, Чоохчыл, Тоғыр чул, Азах Сӧӧт, Сон, Наа чир аал паза Хызыл чул ааллардаң чыылысханнар. 90 частығ пабазы Захар Поросенов хызының концертіне килгенӧк. Кізілерні концертке автобустар ӧнетін тартханнар.
Ол концертте ідӧк Хакасияның чон артизі Герман Танбаев, Николай Разумов, Татьяна Балахчина араласханнар.
Ираида Ахпашеваны алғыстааннар Шира аймаа пазының пастағы орынҷызы Андрей Диринг, Шира аймаандағы улуғлар чӧбінің кнезі Николай Абдин, Хакасиядағы Писательлер пірігізінің кнезі Альбина Курбижекова. Россияның Хазна Думазы депутадының полысчызы Любовь Аешина саблығ ырҷаа «Род поғдархазы» орденні читірген. Ідӧк алғыс сӧстерінең сценаа сыхханнар Ираида Ахпашеваның ӱгретчілері, туған-чағыннары.
Пайрамнығ иир чыылған чонның кӧңніне кірген. Саблығ Ираиданы чон сценадаң позыдарға хынмаан. Чахайахтарны сыйлирға теес турған.
Автор :
Надежда СОЛОМАЧЕВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде