ОЛҒАННАРҒА - ЧЫЛ ПАЗЫ
04.04.2018
Хабарлар
22 мартта Кызлас аалдағы реабилитация кінінде Чыл пазы таныхталды. Ӱлӱкӱнге музыка школазының ӱгренҷілері, устағҷы Виктория Бурнакованаң хада педагог-ветеран Валентина Бурнакова хығыртылғаннар.
Кіндегі олғаннар паза аалҷылар уғаа чахсы концерт тимнеп салғаннар: хакас паза орыс сарыннарын ырлааннар, кибелістер хығырғаннар, хакас теелбектерін турғысханнар. Хакас чонның кибір-чозахтарынаңар хынып искеннер. Анаң хакас ас-тамаан хынып чееннер. Чыл пазының ӧӧн кибірі толдырылған: хакастарның ызых ағазына - хазыңа - олғаннар ӧңніг чаламалар палғааннар паза чазыт сағыстары толзын тіп сурынғаннар. Директор орынҷызы Лидия Троякова чуртастың сидік оңдайларына кірген олғаннарға полызығ пирген ӱчӱн Валентина Степановна Бурнакованы алғыстаан.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде