НАА ПРОФЕССИЯА ӰГРЕДІГ
18.04.2018
Хабарлар
Хакасияның істеніс паза чонға тоғыс тапчаң министерствозы кізілерге тоғынҷаң орыннар таапча, ідӧк пасха профессияа ӱгреніп алар оңдай пирче.
Тоғыс чох халған кізі профессиязынҷа тоғыс таппинчатса, ол пасха профессияа тикке ӱгреніп алча. Ол кізее ӱгренчеткен туста стипендия тӧлелче паза ахчалығ полызығ пирілче. Ӱгредіге ызар алнында чонға тоғыс тапчаң службаның кізілері тимнегліг тоғыс апарчалар. Тоғыс чох кізінің хайдағ наа профессия алар кӧңнін піліп алчалар, ӱгредіг организацияларының программаларынаң таныстырчалар. Пӱӱл 74 кізі наа профессияа ӱгренерге ызылған. Олар бульдозер, кран паза экскаватор машинизіне, бухгалтерге, сас хырыхчаң усха, трактористке ӱгренчелер.
Республика бюджедінде 2018 чылға пу хазна программазын чуртасха киреріне 6 миллион салковай салыл парған.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде