ИҢ ТУРЫСТЫРА АБАХАЙҒА - КОРОНА
04.05.2018
Хабарлар
5 майда Ағбанда драма театрында «Хакасияның пастағы короназы» марығ иртер. 15 00 часта абахайларынаң паза чайаачы оңдайларынаң кічіг частығ хызыӌахтар сыназарлар. Анаң, 19.00 часта, сценаа улуғлары сығар.
Мындағ марығ Хакасияда пастағызын на иртірілче. Аның ӧӧн пӧгіні - республикада чурттығ аймах чоннарның сілиин, культуразын паза нацияларның ынархазын кӧзіт пирері.
«Хакасияның пастағы короназы» марығның тӧстегӌілері -республикадағы абахайларның паза чайаачыларның академиязынаң «Асхыр» чииттер пірігізі.
Иртірчелер Хакасияның национальнай политика министерствозы паза чииттер киреенӌе комитет полызиинаң.
Марығ алнында араласчылар паза тӧстегӌілер Хакасия пазы Виктор Зиминнең тоғасханнар. Республика пазы мындағ пастаға чӧпсінген. Хызыӌахтарға алғас сӧстерін читіріп, турыстыра сыйыхтар полар тіп ізендірген.
Автор :
"Хабар"
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде