ЧОЛЛАР ТЫХТАЛАР
11.05.2018
Хабарлар
Хакасия пазының пастағы орынӌызы тоғызын толдырчатхан Андрей Новосёлов муниципальнай пӱдістер устағӌыларынаң хада чыылығ иртірген. Тоғазығның ӧӧн сурии пӱӱлгі план хоостыра апарылӌаң чол тоғыстары полған.
Хакасия пазы Виктор Зиминнің чахиинӌа город-аймахтарға 2018 чылда орындағы чолларны тыхтирына паза нааӌылирына, ідӧк сағыбаан саай салтарларын чох идеріне 380 миллион салковай позыдылча. Муниципальнай ӱлгӱлерге, чол тоғыстарын табыраанӌа пастабызар ӱчӱн, контрактча садығларны чапчаң иртірерге пӧгін турғызылған.
- Прайзы оңарарға кирек, піс Сибирьде чуртапчабыс. Май тоозылғанӌа піс контракт ит саларға кирекпіс, июньда тоғынып пастир ӱчӱн, - таныхтаан Андрей Новосёлов.
Автор :
"Хабар"
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде