ШИРА АЙМААНДА - "ӦҢНЕН ЧИР-СУУМ" ФЕСТИВАЛЬ
11.05.2018
Хабарлар
Ӱлӱкӱнге чыылған чонзар алғыс сӧстерінең Шира аймаандағы депутаттар чӧбінің кнезі Сергей Залесный, аймах пазының пастағы орынчызының тоғызын толдырчатхан Василий Таланов паза Шира аймаандағы улуғлар чӧбінің кнезі Николай Абдин айланғаннар.
Анаң чонны пай хазыңа чаламалар палғирға хығырғаннар. Чыылған кізілерге хакас кибірлерінде аралазарға хынығ полған.
«Ӧңнен, чир-суум!» фестивальда хырыхча пала араласхан. «Хоос сӧс» номинацияда пастағы орын алған Маша Валегжанина. Ол Михаил Кильчичаковтың кибелізін ӧтіг хығырған. Ікінҷі орын алғаннар: Настя Амзаракова, Чоохчыл аалдаң, паза Карина Кокова, Тоғызаастаң. Ӱзінҷі орынға турысханнар: Мартин Элер,
Ширадағы культура туразында «Чылтызах» кружокка чӧрче, паза Андрей Брагин, Целиннай аалдағы «Колосок» олған садынаң.
«Театр» номинацияда ӱс ле ӧме араласхан. Пастағы орынға Тойым аалдағы культура туразының ӧмезі турысхан. Ікінҷі паза ӱзінҷі орыннарны Сон аалдаң килген 6-ҷы паза 8-ҷі класстағы ӱгренҷілер алғаннар.
«Сарын» номинацияда пастағы орыннарны алғаннар: кічіг частығ палалар аразында Елизавета Падчик, «Малыш» олған садынаң, паза улуғлар аразында Малика Рыбина, Фыркал аалдағы школаның 9-ҷы класстағы ӱгренҷізі. Ікінҷі орынға аның туңмазы Манежа Рыбина сыххан. Ікі пиҷе хакас сарыннарын толдырған.
Фестиваль хомай нимес ирткен. Анда кӧбізін школалар араласханнар. Культура тураларынаң кізі асхынах килген. Араласчыларның тимненізі чахсы арах полған полза, фестиваль уламох пӧзік синде иртерчік.
Автор :
Надежда СОЛОМАЧЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде