ВИКТОР ЗИМИН ЭКОНОМИКА ФОРУМЫНДА АРАЛАЗАР
16.05.2018
Хабарлар
Хакасияның пазы Виктор Зимин тоғыс чорығынаң Санкт-Петербургсар парар. 24 - 26 майда иртер экономика форумында Россияның минкомсвязьы, Хакасия правительствозы паза «Ростелеком» ПАО аразында ӱс сарилығ чӧптезіг иділер.
Чоох парча ікі федеральнай проект чуртасха кирердеңер: имнег учреждениелерінзер паза 250-дең 500-ке теере чуртағӌылығ аалларзар Интернет тартардаңар. Хакасияда «Ростелеком» 70 имнег учреждениезіне паза 38 аалға Интернет ит пирерге пӧгінче.
Форум тузында республика устағӌызы Пискаревскай сыыратсар пар килер, анда, Хакасиядаң парып, чаада чат халған чааӌыларны хумартхылап, чахайахтар салар. Паза Хакасияның пазы пістің регионның Санкт-Петербургта ӱгренчеткен студенттерінең тоғазар. Тоғазыға пу телефоннарӌа пазын саларға чарир: 8(3902) 295-214, 295-209, 240-258.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде