ХГУ АСПИРАНТУРАДА ӰГРЕНЕРГЕ ХЫҒЫРЧА
29.05.2018
Хабарлар
Хакас хазна университеді аспирантурада ӱгренерге сағынчатханнарның пічіктерін алып пастапча. Пӱӱл университет учёнай полңаң чонға 30 наука специальнозы хоостыра 43 орын позытхан. Аспиранттарны очнай паза заочнай оңдайлығ программалар хоостыра ӱгредерлер.
- ХГУ-да аспиранттарны ӱгредер кӧстеглер хозылып ла одырча. Пӱӱл ол тӧрт кӧстеге пайыды, - таныхтаан вузтың наукаӌа паза нааӌыланыстарӌа проректоры Андрей Попов. - «Істезігӌі. Ӱгретчі-істезігӌі» квалификациялығ диплом наука организацияларында паза вузтарда тоғынар оңдай пирче. Кандидат диссертациязын арачылап, наука кандидады учёнай адын алғаннарға чал ахчазы хозылча паза тоғыс табары нииктелче.
Пӱӱн университетте 70 аспирант ӱгренче паза 400 азыра наука тоғынӌызы істенче.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде