ПІРГЕ ТОҒЫС ТУЗАЛЫҒ ПОЛАР
29.05.2018
Хабарлар
ПМЭФ-2018. Хакасияның пазы Виктор Зимин Петербургта, чоннар аразындағы экономика форумында аралазып, республикаа кирек чӧптезіглер иткен.
Экономика форумында Россияның минкомсвязьы, «Ростелеком» ПАО паза Хакасия правительствозы аразында инвестиция проекттерін чуртасха кирерінҷе пірге тоғынардаңар ӱс сарилығ чӧптезіг иткеннер. Чӧптезігдеңер пічікте Хакасияның пазы Виктор Зимин, «Ростелеком» ПАО президенті Михаил Осеевский паза Россияның минкомсвязь министрі Константин Носков хол салғаннар.
Чоох парча ікі федеральнай проектті чуртасха кирердеңер: имнег учреждениелерінзер паза 250-дең 500-ке теере чуртағчылығ аалларзар Интернет тартардаңар. Хакасияда «Ростелеком» ізестіг Интернет палғалызын 70 имнег учреждениезіне паза 46 аалға ит пирерге пӧгінче.
Хакасияның пазы ол проекттерні чуртасха киргені уғаа кирек социальнай сарилығ полча - ӱгредігні, ол санда дистанционнай ӱгредігні, ал поларын нииктепче, телемедицинанаң, аймах-пасха палғалыс полызығларынаң тузаланарға оңдай пирче, хазна полызығларын ал турарын ниик арах итче.
Ідӧк Петербургтағы чоннар аразындағы экономика форумы тузында республика пазы Виктор Зимин паза «Росконгресс» фондтың директоры Александр Стуглев пірге тоғынардаңар чӧптезіг ит салғаннар.
Виктор Зиминнің таниинаң, ол чӧптезігче регионзар инвестициялар тартарын ӧскірері кӧрілче.
- Ізенчем, ол пӧгінні, аймах-пасха паза амғьі тусха килістіре наа ондайларнаң тузаланып, ідӧк «Росконгресс» фондтың пай опыдынаң, пӧгері Хакас чирінде тоғынчатхан бизнестегілерге тузалығ полар. Ол уғаа кирек пістің партнёрларға, хайзылары инвестиция проекттерін пістің регионда чуртасха кирерге ам на сағыс тутчалар. Хакасияда промышленность секторы, хара тас аниры паза металлургия, ӧткін тилiп сыхханын санға алза, пу пірге тоғыс улуғ тузалығ полар, - теен республика устағҷызы.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде