РЕГИОН ТИЛІЗІНЕ КӰС ХОСЧАЛАР
27.06.2018
Хабарлар
Чарытхы сурии. Хакасияның пазы Виктор Зимин «Сибирьнің МРСК-зы» ПАО-ның ӧӧн директоры Виталий Ивановнаң тоғасхан.
Олар потребительлерге чарытхыны тартарынӌа паза регионда чарытхыны пирчеткен гарантиялығ поставщиктің тоғызына теелчеткен сурығларны ӱзӱргеннер. Хакасияда чарытхыны тӧреміл пирерінӌе энергетика инфраструктуразын тилідерінӌе энергетиктер паза ӱлгӱлер хада-пірге тоғынчалар.
Виталий Ивановтың искіриинең, Сибирьдегі иң улуғ чарытхы компаниязы, наа потребительлерге чарытхы тартып, Хакасияның инфраструктура тилізіне чыл сай 250-ер азыра млн салковай хоратча. Сибирьдегі федеральнай округтың регионнары аразында, республикабыста чарытхыны льготаӌа пос туразынзар кирдірер кізілер саны иң пӧзік. Анзы Хакасияның ӱлгӱзі кӧп палалығ сӧбірелерге, чиит специалисттерге чир участоктарын пирерінӌе алынӌа чурт пӱдіриине хабасчатханынаң палғалыстығ.
Олаңай чуртағӌылар, аал хонии, промышленность, кічіг паза ортын бизнес, социальнай объекттер чарытхыны оой тартырар ӱчӱн, Хакасияның правительствозы энергетиктернең хада ресурстарнаң орта тузаланарынӌа улуғ тоғыс апарчалар. 2016 чылда тиксі 700 млн салковайға 4,5 азыра муң айланысча чӱзерлеп километр ЛЭП пӱдірілген паза онарлап трансформатор подстанциязы турғызылған. Ағаа хоза, компания республиканың тыхтағ паза инвестиция программаларын толдырча.
- Хакасияның правительствозы 2030 чылға теере турғысхан пӧгіннерні толдырарына піс, энергетиктер, амох кӧп кӱс хоратчабыс, - таныхтаан Виталий Иванов.
Хакасияның пазы «Сибирьнің МРСК-зы» ПАО -ның тоғызына чарытхы пирчеткен компанияның тоғызын чахсы толдырчатхан ӱчӱн чахсы паалағ пирген, устағ-пастаан пӧзік социальнай нандырығ тутчатхан ӱчӱн алғыстаан.
- Чииттерге, кӧп палалығ сӧбірелерге чир участоктарын пирерінҷе улуғ тоғыс иділ парған. Олар, пістің республикабыста чуртап, аның ис-пайын кӧдірерлер нооза. Сірер оларға чарытхы пирчезер. Регионны тилідеріне пу паза пасха даа пӧгіннерні толдырғаннарың ӱчӱн алғыс. Фермер хоныхтарынзар чарытхы тартханыңар ӱчӱн алынҷа алғыстапчам, - теен Виктор Зимин.
Автор :
«Сибирьнің МРСК-зы» ПАО
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде