ПІР ПРОФИЛЬЛІГ ГОРОДТАРҒА - ХАЗНА ПОЛЫЗИИ
27.06.2018
Хабарлар
Хазна хабазии.
Хакасияның пір профильліг ӱс городы кічіг паза ортын бизнес тилізіне субсидия алар.
Республиканың экономика тилізі министерствозынзар хазна хабазиин аларына сурыныс пічіктерін Абаза, Саяногорск паза Харатас городтар пиргеннер.
Пір профильліг городтарға субсидия пирерінҷе комиссия пу пӧгінге 7,5 миллион салковай позыдардаңар чарадығ алған. Абаза 5 миллион 800 муң салковай алар, Саяногорск - 1 миллион 500 муң салковай, Харатас - 200 муң салковай.
- Ахча министерствозар сурыныс пічіктері кірген пір профильліг орыннар аразында ӱлестірілген Тойым, Тӧӧ пазы посёлоктар паза Сорск пос киреен тилідеріне ахча сурбааннар. Федеральнай ахчаны аларына хайди даа сурыныс пічии киректелче. Ағаа хоза, субсидия сині сурған ахча синінең аспинча. Аннаңар, Абазаны Харатаснаң тиңнестірзе, Харатасха ахча асхынах пирілгеннеңер сағыс тӧріпче. Харатастың устағ-пастаа 200 муң салковай оларға читкiҷе полар тіп чарадығны позы алған. Абаза, тізең, пос киреен тилідеріне 7,5 миллион салковай прай алып аларға тимде полған, - теен Хакасияның экономика тилізі министрі Татьяна Пауль.
Аның таниинаң, Хакасияның экономика тилізі министерствозы пір профильліг городтар ахчаны хайди идінҷектерге читірчеткенін сыныхтағда тудар. Пу пӧгіннең министерство специалисттері пір профильліг городтардағы идінҷектернең тоғазарлар. Анда специалисттер кем субсидия ал полар оңдайлығ, хайдағ пӧгіннерге аны алып аларға чарир паза хайдағ пічіктер чыырға киректелчеткеннеңер чоохтирлар.
Хакасияның экономика тилізі министерствозынзар 248 - 200 (хоза 217, 213) телефонҷа сығдырадып, сурығлар пирерге чарир.
Автор :
Ксения БУГАНОВА.
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы