ХАКАСИЯ ПАЗЫНА 9 КАНДИДАТ СЫҒАРЫЛДЫ.
29.06.2018
Хабарлар
Табығлар -2018. Хакасия пазына табығларға кандидаттарны сығарар тус тоозыл парды.
Вторникте, 26 июньда, 18.00 часта Хакасияның Табығ комиссиязы Хакасия пазына табығларға сығарға кандидаттардаң пічіктер аларын тоос салған. Тиксі 9 кізі Хакасия пазына табығларға сығарға сағынча.
25 июньда пічіктерні пирген алтынҷы кандидат - Олег Иванов. Аны «Россия пенсионерлерінің социальнай справедливость ӱчӱн партиязы» партияның региондағы пӧлии сығарған. Олег Иванов пу партияа кірбинче, пос киреенең айғасча паза Хакасияның Ӧӧркі Чӧп депутады полча.1973 чылда тӧреен. Пічіктерні алҷаң халғанҷы кӱнде Хакасияның Табығ комиссиязынзар ӱс кандидат пічіктерін пирген: Ирина Бутанаева, Иван Миронов паза Михаил Валов.
Ирина Бутанаеваны «Россияның кічіг бизнес партиязы» партияның региондағы пӧлии сығарча. Тынағда. 1950 чылда тӧреен.
«Россияның тиксі чонының пірігізі» халых пірігізі - политика партиязы Иван Мироновты сығарча. Кандидат «Миронов, Кудрявцев паза партнерлар» Москвадағы адвокаттар коллегиязында істенче. 1981 чылда тӧреен.
Паза пір кандидатты - Михаил Валовты - ЛДПР-ның региондағы пӧлии сығарча. Ол «Медведь» реклама агентствозы» ООО-да продюсер полча. 1973 чылда тӧреен.
Кандидаттар пӧзік ӱгредігліглер паза кӧбізі оларны сығарған партияларға кірче.
Автор :
Хакасияның Табығ комиссиязының хабарлар пӧлии
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде