ХЫРАӋЫЛАР УСТАРЫНАҢ СЫНАСХАННАР
03.07.2018
Хабарлар
Марығ. Ирткен неделяда Таштып аймаанда механизаторларның республика марии ирткен.
дырығлар пілбеем. Механизаторлар марии минің кӧңніме кірче, - теен араласчы. Тепличнай поселоктың чуртағҷызы Андрей Щипин М.В. Шашкиннің хониинда ӱс чыл тоғын салған. Мының алнында ол Ағбан пилтіріндегі совхозта 12 чыл тоғынған.
Хыра тартыбысхан араласчылар теория сурығларына пазып нандырғаннар. 16 № профессиональнай ӱгредіг училищенің ӱгретчізі Марат Боргояков чарғыҷыларның санында полған, хыраҷылар чирні хайди тартчатханнарын паалаан. Аның чооғынаң, механизаторлар, чирні чахсы даа тартчатсалар, хорғыс чох чӧрер оңдайларға тудынминчалар.
Марығ тоозылғанда, чарғыҷылар салтарлар искіргеннер. «Нива» ООО-ның механизаторы Андрей Токчинаков ӱзінҷі орынға турысхан, ағаа III-чі степеньніг диплом паза 20 муң салковай ахчалығ сыйых читірілген. II-чі степеньніг дипломны А.Н.Долговтың хонииндағы Игорь Генке холға кирген. Ағаа 25 муң салковай ахчалығ сыйых читірілген. I орын паза 35 муң салковай - Боград аймаандағы «Гранд-Компани» ООО-ның механизаторы Геннадий Рагельге. Чиңісчілер пьедесталзар сыхханнар. Сыйыхтығ орын албаан араласчыларға 5-ер муң салковай читірілген. Улуғ Сии аалның чуртағҷызы Андрей Токчинаков «Нива» ООО-да пис чыл тоғын салған. Ол механизаторлар мариинда ікінҷі хати араласты. Пастағызын на араласханда, ағаа оң полбаан. Амды ол ӱзінҷі орынға турысхан.
- Мағаа теория сурығларына орта нандырыбызарға аар пілдірген. Килер чылда марығда аралазарға сағынзам, чахсы арах тимнен саларбын. Пасха заданиелерні толдырыбысхам, - сағыстарынаң ӱлескен Андрей Токчинаков.
Автор :
Оксана ЧЕЛТЫГМАШЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы