ХАДА-ПІРГЕ ТОҒЫС УЗАРАДЫЛАР
06.07.2018
Хабарлар
Тоғазығ. Хакасия пазы Виктор Зимин Хызылчардағы тимір чол пастығы Вадим Владимировнаң тоғасхан.
Тоғазығда транспорт инфраструктура тилізі паза Транссиб магистральный ӱстӱнзархы чардығының таарлағ тартчаң оңдайларны алғыдары ӱзӱрілген. Пу сурығлар Пиидегі хара тастығ орынның тилізінең палғалыстығ. Вадим Владимиров, тізең, Хызылчардағы тимір чолның пастығына пӱӱл майда ла турғызылған.
- Хызылчардағы тимір чол республиканың ізестіг партнёры полча. Транспорт инфраструктуразын тилідерінӌе улуғ пӧгіннер турчатханда, регионны, тимір чолны, ол санда Транссибті паза аның ӱстӱнзархы чардығын тилідер пӧгіннең, хада-пірге тузалығ тоғызыбысты узарадарға кирек, - теен Виктор Зимин.
- Ӱстӱнзархы чардығында Ағбан станциядаң пасти Саянскай станцияа теере участокта ікінӌі чолның пӱдірии узарадылча. Ідӧк Ағбаннаң Междуреченсксер ікінӌі чолын пӱдірерінӌе проект тимнелче, - теен Вадим Владимиров. - Таарлағны тартчаң оңдайларны алғыдары - ӧӧн пӧгіннерібістің пірсі. Компания ол пӧгінге ахча пирче. Салтарында пістің 40 пара таарлағ поездін иртірӌең оңдай полар.
Чоохтирға кирек, Хакасия правительствозы харатасчыларнаң, транспорт компанияларынаң паза «РЖД» ОАО-наң хада меморандумда хол салған. Аны хоостыра 2018 - 2023 чылларда магистраль паза промышленность транспортын тилідерінҷе программа тоғынар. Хара тас аныпчатханнарның паза «РЖД» ОАО-ның инвестициялары 27 миллиард азыра салковайға тиңнелче.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде