1207 НАА СТУДЕНТ
22.08.2018
Хабарлар
Ӱгредіг. Хакасияның ӧӧн вузы, бюджет орыннарын толдырып, ахча тӧлеп ӱгренерге сағынчатханнарны сағыпча.
Хакас хазна университеді бюджет орыннарына читкіҷе студент алып алған. Пӱӱл ХГУ-зар 1207 кізі пастағы курсха алылған. Ол саннын 427 абитуриенті колледжтер студенті полыбысхан, 18-зі -ординаторлар.
- Ағаа хоза 408 кізі 23 августта магистратураа алылар. Амды олар вузта ӱгренерге чарасчатханын пічік пастыра искірчелер, - чоохтапча ХГУ-нын тӧреміл ӱгредігче проректоры Марина Адамова. - Таныхтирға кирек, пӱӱл ХГУ-ның колледжтерінзер пӧзік баллығ аттестаттарнаң илееде оол-хыс кірген.
Итсе-де, тиксі марығ хоостыра бюджет орыннарынзар кір полбаан абитуриенттер август тоозылғанча ахча тӧлеп ӱгренерденер чӧптезіг идерге маннанарлар. Амғы тусха вузта ахча тӧлеп ӱгренерге сағынчатханнарнын саны 600 азыра. Аннан пасха ХГУ аспирантурада ӱгренерге сағынчатханнарны 31 августха теере сағир.
Автор :
ХГУ-ның хабарлар пӧлии.
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде