РЕГИОННАРҒА - САМОЛЕТТАР
09.10.2018
Хабарлар
МОСКВА. Правительство «Сухой Суперджет 100» самолёттар садызарына 9,8 миллиард салковай позытхан. Ол ахчаа сигіс самолёт алылар. Сигіс самолёт 18,7 миллиард салковайға турча, олар лизинг оңдайынаң регионнардағы авиалинияларӌа пассажирлер тартчатхан авиакомпанияларға пирілер. Садығ 2018-2019 чылларда иртер. Федеральнай бюджетте ол пӧгінні толдырарға ахча кӧріл парған.
«Сухой Суперджет 100» 98 пассажирге кӧрілген самолёт, ол 4600 километр ырахха учухча. Аны «Сухойның гражданскай самолёттары» компания тимге сығарған. Самолёттың хай пірее детальларын паза агрегаттарын Хабаровск крайындағы Комсомольск-на-Амуре городтың авиация заводында тимнепчелер.
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы