АҒБАНДА НАА ТИГІРИБ ПӰДІРІЛЧЕ
14.11.2018
Хабарлар
Благовещенскай тигіриб пӱдірілче
Пӱдіріг. Ағбанда Стофатоның орамазында Благовещенскай тигіриб пӱдірілче. Пу наада анда паза пір купол пайрамни турғызылған.
Тигірибсер турғызылар тӧрт ортымах купол Иисус Христостың тӧрт апостолын таныхтапча. Оларның ортызында хоза Иисус Христосты таныхтапчатхан купол турғызылар. Благовещенскай тигіриб ӱстӱнде тиксі читі купол полар. Пірсі алтарь ӱстӱнде турар.
Тигіриб 2014 чылдаң сығара чон ахчазына пӱдірілче. Аның пасхаҷыл оңдайлары кӧріл парған, істінде колонналар чох полар. Кірген кізілер обырастарны паза тигірибнің оңдайларын кӧрерлер. Чылығ пирҷең система турғызылып, мында ідӧк чылығ поллар тӧзелер. Ідӧк тигірибде вентиляция системазы турғызылча.
Куполны пайрамни турғызарында Ағбан город пазы Николай Булакин паза протоиерей Олег араласханнар.
- Пӱӱн Ағбанда танығлығ кӱн. Піс городтың пӱдірілчеткен Благовещенскай тигірибінзер халғанҷы пис куполны турғысчабыс. Амды тигіриб кӧместең пӱдірілче. Пӱдіріге ахча пирген кізілерге, спонсорларға алғызым читірчем. Алтын куполлар сіліг хоостарнаң чазалар, - таныхтаан Николай Генрихович.
- Кӧп кізі пу тигіриб пӱдіріл парзын тіп Худайдаң сурынча. Тоғыстар хысхызын даа толдырылар. Тигіриб - уғаа танығлығ орын. Ол Худай кізілерні арачылапчатханының тании полча, - чоохтаан Благовещенскай тигірибнің пӱдіріг фондынын толдырығ директоры протоиерей Олег.
Тигірибнің халғанҷы куполлары пу кӱннерде турғызылар.
Автор :
Антон ЧЕРТЫКОВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде