2019 ЧЫЛ -ТЕАТР ЧЫЛЫ
30.11.2018
Хабарлар
Культура. Президент Владимир Путиннің чахиинаң 2019 чыл Театр чылы тіп чарлалча.
Ӧӧн пӧгіннер - хазнадағы театрлар кибірлерін паза чидіглерін хайраллиры; иң артых театрларның ойыннарын Россияның прай регионнарында кӧзідері; чиит улусты театр искусствозына тартары паза ӧнетін ӱгредіг пирері.
Театр чылында Россияның хайдағ даа регионында мероприятиелер кӧп полар, ол санда чоннар аразындағы паза Россия синіндегі.
Кӧзідімге, 2019 чылның мартынаң ноябрьға теере тиксі Россия синіндегі театрлар марафоны иртер. Ол Владивостокта пасталар, Калининградта тоозылар. Июньнаң ноябрьға теере Санкт-Петербургта Театр олимпиадазы полар. Россияның театр деятельлерінің программазы ідӧк уғаа алғым. 2019 чылда олар аймах форумнар, тоғазығлар, мастер-класстар, «тегілек столлар» иртірерге пӧгінчелер.
Россиядағы Театр чылының программазын чуртасха кирер комитетнең Россия Правительствозының кнес орынҷызы Ольга Голодец устир. Театр чылы хазнаның прай регионнарында пір кӱнде пайрамни азылар - 13 декабрьда.
Автор :
Екатерина ЛАРКИНА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде