ТОҒЫС КӰННІҢ САЙ АПАРЫЛЧА
13.02.2019
Хабарлар
Улгӱ. Хакасия правительствозы республиканың хазна алымын хызырыбызар тоғыс кӱннiң сай апарылча.
Хакасияның пазы Валентин Коновалов 11 февральда Ӧӧркі Чӧпсер «Федеральнай бюджеттең Хакас Республика бюджедіне бюджет кредидін пирерінҷе чӧптезіглерге хоза чӧптезіглерні чарадыға алардаңар» республиканың закон проектін кирген.
Мындағ законнар хазнаның прай субъекттерінде, хайда бюджет кредиттерінең тузаланчалар, алылчалар. Пу закон сығарҷаң пастағ регионнарның федеральнай кіннең тоғыс апарҷаң оңдайларын кӧмес нииктепче.
- 2019 чылның салтарларынңа Хакасия правительствозы пос ахчазына 705 миллион салковай бюджет кредидін чабызарға паза анзынаң хазна алымын 3,2 процентке хызырыбызарға пӧгінче. Чыл тоозылғанҷа регион правительствозы 2,057 млрд салковай облигациялығ алымнарны, хайзылары 11,4 % ортын ставкалығ алылғаннар, чабызарға кирек. Олар чардыхти облигацияның хыринда ниик арах ставканаң алылған кредит ахчазы паза чардыхти республика бюджедінің пос парыстары полызиинаң чабыларлар. Бюджеттің парыстығ чардығын ӧскірер пӧгіннең улуғ налог ахчазын тӧлепчеткеннернең тоғыс кӱннің сай апарылча. Андағ оңдайнаң хазна алымы хызырылар, ідӧк аның проценттерін тӧлирінҷе хорадығлар хызырылар, - таныхтаан Хакасияның пазы Валентин Коновалов.
Автор :
Хакас пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы