АҒБАННЫҢ ЭКОЛОГИЯЗЫ САҒЫССЫРАТЧА
22.03.2019
Хабарлар
Тоғазығ. Хакасия пазы Валентин Коновалов Ағбан город пазы Николай Булакиннең экология сурығларын ӱзӱрген.
Устағӌылар кии кірленчеткенінең палғалыстығ сидік сурығларны пӧкчең оңдайларны ӱзӱргеннер. Кӧзідімге, хара тас терминаллары городта орныхчатханнарынӌа сурығларда алынӌа тохтааннар. Республика столицазында тоғыс хара тас терминалы саналча. Таныхтирға кирек, пу предприятиелер хорғыс ағылчатханы хоостыра ікінӌі классха саналчалар. Оларның пірсі Пушкин орамазында орныхча. Сидіксініс чайғызын чилліг кӱнде хара тас тозыны чағынғы орамаларзар тарапчатханынаң палғалыстығ.
- Мындағ сурығларны пӧгерінӌе орындағы ӱлгӱлернің аймах оңдайлар пар, че сидіксіністер сығысса, республика правительствозы городха хабазарға тимде. Экология - ол ӧӧн кӧстеглернің пірсі, Ағбанның паза Хакасияның пасха город-аалларының чурғағӌылары чахсы экологиялығ чуртир ӱчӱн, піс прай ниме идерге кирекпіс, - таныхтаан Хакасия пазы Валентин Коновалов.
Николай Булакин хара тас терминалларының суриин чон хаӌаннаң кӧдірчеткеніне паза ол 2017 чылдаң ала пӧгілбинчеткеніне хайығ айландырған. Че, андағ даа полза, Хакасия правительствозының терминалларны план хоостыра городтың промышленность орыннарынзар кӧзірердеңер чарадии алылған. Іди хара тасха пірге орын тӧстирге пӧгін турғызылған, аның ӱчӱн «Абаканвагонмаш» предприятиенең хости транспорттығ чит полар оңдайлығ орын табылған.
- Городта тозын, ыс кӧдірчеткен хара тас терминаллары орныхчатханы - саба. Пу чарадығны чурғасха кирген полза, чахсы поларңых. Піс позыбыс саринаң город пӱдірии департамент пастыра сурығны пӧгер ӱчӱн прай кӱзібісті саларбыс, - чарытхан Ағбан пазы Николай Булакин.
Кии кірленчеткеніне тиксі теелчелер автотранспорт, хара тас разрезтері, чылығны котел паза пес полызиинаң читіргені. Чоохтазығ тузында республикада экологияны чахсыландырӌаң оңдайлар ӱзӱрілген.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы