ОЛАР ПЫРОЛЫҒ НИМЕСТЕР
16.04.2019
Хабарлар
Татьяна Вероника Лилия
Ӧкіс ӧспезіннер. Пу палачахтарның ах чарыхха тӧріп парғаннарында пырозы пір дее чоғыл. Сах андох іҷе паарсазы чох халғаннары,тізең, уламох тың ачырғандырча. Че оларға наа іҷеліг паза пабалығ пол парар оңдай пар.
Татьяна, 2018 чылда тӧреен:
- Таня - уғаа амыр хызыҷах. Таныс ӱннерні ис салза, хаҷан даа кӱлімзіреснең ол саринзар айланча. Чапсых ниме кӧр салза, ол аны, прай саринаң тутхлап, істес салча. Ойнаҷахтарны холларында ідӧк иптіг тутча.
Лилия, 2017 чылда тӧреен:
- Лилия - ачых-чарых паза ӧткін хызыҷах. Позының адын чахсы пілче. Аны піреезі хығырза, хаҷан даа улуғ ӧрініснең андар парча. Паза улуғлар хайиина тың хынча, оларнаң тіл алызарға кӱстенче. Кӧгліг ойнаҷахтар Лилияҷахтың кӧңніне тың кірчелер. Хызыҷах оларны, холларында пик тудып, ситкіп исче.
Вероника, 2017 чылда тӧреен:
- Вероника ідӧк таныс ӱннерге тың ӧрінче, ӧңніг паза кӧгліг ойнаҷахтарға хынча. Пазына массаж идібіссе, аның кӧңні уламох кӧдіріл парча. Хайди кӧрчебіс, Вероникаа кӧп хайығ паза паарсас киректелче.
Таняӌахты, Лилияӌахты паза Бероникаӌахты сӧбірелерінзер алып аларға тимде ирепчілерге пу телефонӌа сығдырадарға чарир: 8 (3902) 295262. Прай сурығларға паба-іӌе хайии чох халған олғаннарны санға алчатхан хазнаның региондағы операторы нандырар.
Автор :
Тимнеен Александра КАРАМЧАКОВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы