ПИИ АЙМАА ӦҢНЕНЗІН ПАЗА ТИЛІЗІН
23.04.2019
Хабарлар
Наа устағӌы. Хакасия пазы Валентин Коновалов Пии аймааның пазына табылған Иннокентий Стряпковтың инаугурациязында араласхан.
Регион устағҷызы Иннокентий Стряпковты должнозына официально кірчеткені хоостыра алғыстаан паза чидіглер, тӱзімніг тоғыс алғаан.
- Чуртағҷылар Сірерге ізенчелер, анзын табығларның салтарлары киречілепче. Пілдістіг, олар профессионализміңерге паза чоннаң тоғын полчатханыңарға киртінчелер. Ізенчем, пу тоғыста Сірер прай кӱзіңерні, опыдыңарны Пии аймаан ӧңнендіреріне паза тилідеріне саларзар. Турғызылған кӧстеглерге чидерінде сыдамахтығ, тідімніг паза нандырығлығ поларға алғапчам, - таныхтаан Хакасия пазы.
Таныхтирға кирек, 7 апрельде ирткен табығларда Иннокентий Стряпков 60 артиинаң процент табығҷылар ӱнін чыып алған.
- Ӱнін «ӱчӱн» дее пиргеннернің, «тоғыр» даа пиргеннернің, амды пістің прайзының пір наа чол пасталча. Мин сірердең хабазығ паза пістің тоғызыбысха хайығ сағыпчам. Улуғ алғыс прайзына, - алғызын читірген чуртағҷыларға Иннокентий Стряпков.
Иннокентий Николаевич Пии аймаа пазының полномочиелерін сын паза турыстығ толдырарға, чир-суғҷыларының чуртазын чахсыландырарына прай кӱзін саларға молҷаан. Иннокентий Стряпковты городтарның, аал чӧптерінің паза хонҷых аймахтарның пастары алғыстааннар.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде