ПІЛІСТЕРІҢ КӦЗІДІҢЕР
24.04.2019
Хабарлар
Марығ. Славяннар пічии паза культуразы кӱніне чарыдылған марығда республика чуртағҷыларын аралазарға хығырчалар.
Хакасияның национальнай паза территориальнай политика министерствозы Славяннар пічии паза культуразы кӱніне чарыдылған «Славяннарның ис-пайы» республика мариин чарлапча. Марығның ӧӧн пӧгіні - аның араласчыларының тиксі пілістерін алғыдары, славян чоннарның культуразынзар тартары, патриотизмге ӱгредері паза кізілернің чайаачы кӧңнілерін алғыдары.
Марығда республиканың хайдағ даа чуртағӌызы аралас полар, сынап ағаа 7 час тол парған полза. Марығ араласчылары постары тимнеен чайаачы тоғыстарын сыныхтаға сығарчалар. Олар ікі номинацияӌа тимнелерге киректер: «Литература материаллары» паза «Искірігліг технологияларны тузаланған тоғыстар».
Марыға тимнелген литература материаллары (кибеліс, чоох, эссе, сочинение паза даа пасхазы) паза мультимедийнай презентациялар, видеороликтер мындағ сурығларны чарыдарға киректер:
- «Славяннар пічии тӧстелгені»;
- «Славян чоннарның пічиин паза культуразын тилідерінде Кириллнің паза Мефодийнің салымнығ хозымы»;
- «Пурунғы Русьтың холнаң пасхан хумартхылары»;
- «Славяннар азбуказынаңар, алфавидінеңер паза Русьта хайди ӱгренгеннеңер»;
- «Тоста пазылған пічіктер - Пурунғы Русьтың пічиинің хумартхылары»;
- «Иргі славянизмнер амғы орыс тілінде паза пасха славян чоннарның тілінде»;
- «Іскеркі славяннарны піріктірчеткен тіллер палғалызының киречілері»;
- «Сӧстің Сабланызы»;
- «Повесть временных лет» - орыс пічиинің паза православие культуразының хумартхызы»;
- «Хаӌан сӧстер сӧспектер пол парчалар...»;
- «Чарых харындастар Кириллнің паза Мефодийнің ӱгренӌілері»;
- «Славян тіллерінің паза культураларының хазназынзар чорых чӧргені»;
- «Славян чоннарның ынархазы - тіллер ынархазы»;
- «Православнай ӱлӱкӱннер паза кибірлер».
Марыға тимнелген тоғыстар 2019 чылның 24 майына теере Хакасияның национальнай паза территориальнай политика министерствозында пу адресче алылчалар: Ағбан г., Щетинкиннің ор., 18, 507/8 каб. Сурығларнаң 8(3902) 239-307 телефонӌа айланарға чарир.
Марығ оңдайларынаңар Хакасияның хазна ӱлгӱзінің толдырығлығ органнарының официальнай порталында (www.r-19. ru) алай Хакасияның национальнай паза территориальнай политика министерствозының страницазында («Оӧн танығлар» -«Марығлар») танызып аларға чарир.
Автор :
Хакасияның национальнай паза территориальнай политика министерствозы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы