ИҢ СИДІК СУРЫҒЛАРНЫ ПӦГЕР ӰЧӰН
29.05.2019
Хабарлар
Чыылығ. Хакасия пазы Валентин Коновалов экология безопаснозынҷа паза чир-чайааннаң тузаланарынҷа комиссияның пастағы чыылиин иртірген
- Комиссия иң пурнада ибіркіні хайраллирында паза чир-чайааннаң килістіре тузаланарында сығысчатхан иң сидік сурығларны ӱзӱрер паза, иң ӧӧні, пӧгер ӱчӱн тӧстелген, - таныхтаан Валентин Коновалов. - Аннаңар комиссиязар федеральнай толдырығлығ ӱлгӱ органнарының, регионның закон сығарчаң ӱлгӱзінің, орындағы пос устаныс органнарының, наука паза халых пірігістерінің кізілері кірчелер. Регионның экономиказын тиксі чир-чайаан системазын паза ибіркіні хайраллап ла тилідерге чарир.
Комиссия кізілері пӱӱнгі ӧӧн сидіксіністернің аразында Ағбан паза Харатас городтардағы кии пуртах полғанын таныхтааннар. Пу муниципальнай пӱдістерде пуртах сині «уғаа пӧзік» чіли паалалча. Халых чонны сӧп-сап реформазы хайди апарылчатханы сағыссыратча. Хатығ сӧп-сапты чох итчең инфраструктураны тилідерге киректелчеткені таныхталған.
Паза пір кӧстег хара тас аныпчатхан предприятиелер тоғызынаң палғалыстығ. Хара тас аниры айныпчатхан туста ибіркі чирге паза чуртағҷылар хазиина ӱрег ағылчатханын хызырар оңдайларча амох тоғынып пастирға кирек.
Комиссия кізілері ідӧк суғ арығлачаң пӱдіріглер иргілен парғанынаң палғалыстығ экология хорғыстарына хайығ айландырғаннар. Аннаң пасха, чир-чайаан ис-пайы оғырлалчатханынаң кӱресчең оңдайлардаңар, арығ-тайғалар закон хыйыстыра узурылчатханын, чир алтындағы ис-пай закон хыйыстыра анылчатханын тохтадарынҷа мероприятиелерні кӧп иртірердеңер чоох парған. Полған на сурығҷа тоғысчы ӧмелер тӧстелері кӧрілген, оларның тоғыс салтарларынҷа алынча пӧгіннер турғызылар. Комиссия чыылығлары ай сай ирт турар.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы