СӦБӀРЕНӀҢ ӦРӀНӀЗӀ - НАА АВТОМОБИЛЬ
24.07.2019
Хабарлар
*************************************************************************************
***************************************************************************************
четкен пала. Шишов ирепчі полған на паланаң тіл чахсы алызып пілче. Хайди олар чоохтапчалар: «Кӧп палалығ сӧбіре - улуғ ӧме, піске хаҷан даа ирістіі полбинча». Палалар сӧбіреде ынағлар, ӧткіннер паза иб аразындағы тоғыста полысчы полчалар. Пу ирепчінің тун оолғы Виталийге 41 час, кічии Сергей пис час толдыр салған.
- Улуғ сӧбірее мындағ тузалығ паза тың кирек сыйых ӱчӱн улуғ алғызым читірчем. Минің сӧстерімнең прай даа сӧбірелер чарасча полар. Палалар, тізең, мындағ сыйыхха уғаа ӧрінчелер. Амды пістің сӧбіренің чорыхха чӧрер паза тынанарға парар сидіксіністіг сурии пӧгіл парды. Піс прайзы пір саңай чӧр полбаҷаңмыс, амды, тізең, прай сӧбіренең чорыхха чӧрербіс. Хакасия пазы Валентин Коноваловха, республика правительствозына алғызыбыс читірчебіс. Кӧп орыннығ транспорт - улуғ сӧбірее чахсы хабазығ, - Надежда Шишова чооғын тоосхандох, палалары, хлопушкаларны тазыладып, «Алғыс!» тіп хысхырғаннар. Сыннаң даа, андағ улуғ сыйыхха палаларның ӧрінізі іле кӧрінген.
Ідӧк Пии аймаандағы Табат аалның читі пала ӧскірчеткен Ольга Владимировна Сагалакованаң Георгий Иванович Бурнаков микроавтобус алғаннар. Ирепчі чахсы пілче, паланың чуртасха кӧрізін іҷе-пабалар постарының кӧзідімінең паза орта тудынчатханынаң читірчелер. Ольга Сагалакованаң Георгий Бурнаков хаҷан даа пілізіп паза чӧптезіп чуртапчалар, палаларын ідӧк пір чӧпке килерге ӱгретчелер. Сӧбіре пис оол ӧскірче, олар пабазына полысчы полчалар, ікі хыс, тізең, іҷезіне ибдегі тоғыстарда хабасча. Пӱӱнгі кӱнде сӧбіре чуртасха ӧрінче паза таңдағызына пӧгіннер турғысча.
Ідӧк сыйыхха турысхан Шира аалның чуртағҷылары Елена Павловна паза Кэчен Сюй ирепчі. Олар 12 пала ӧскір салғаннар, оларның 10-ы сӧбірезер ӧскірерге алылған.
Елена Павловна - ӧткін тудыныстығ паза чапчаң хайынчатхан кізі. Палалар іҷезінеңер чоохтапчалар: «Пістiң іҷебіс чағбан чӱректіг паза паарсах. Ол хаҷан даа піске полыс пирерге тимде».
Сӧбіре пазы Кэчен санапча: «Чуртаста пӧгілбинчеткен сурығ полбинча, прай сидіксіністерні тобырып аларға чарир». Сюй ирепчінің чооғынаң, сӧбірезер хозылған полған на пала оларға хыныс паза пик чуртас ағылған.
Сигіс орыннығ «ГАЗ-3221» микроавтобустар клӱстерін сӧбірелерге танығлығ читірген соонаң прайзы Хакасия пазы Валентин Коноваловнаң хада сыйых хыринда сомға суурынған. Анаң сӧбірелер, микроавтобустарынзар одырып, ибзер чол тутханнар.
Автор :
Наталья ТЮКПЕЕВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде