АСХЫС ЧИРІН ХАЙРАЛЛИР
04.09.2019
Хабарлар
Танығлығ кирек. Ирткен неделяда Асхыс аалда наа монумент пайрамни азылған
Амды аалзар кірчеткен чорыхчыларны «Чазы алыбы» удурлап турар. Аны турғызар сағыс хачанох тӧреен тіп таныхтаан аймах пазы Абрек Челтыгмашев. Хазналарча чӧріп, Ирт тағдағы мемориал комплексі тӧстелгенде, сағыс уламох тыыған. Скульптураны тимнирінде араласхан кізілернін чӱректері матап тибіреен.
Пу киректең идінчек Иван Миндибеков ідӧк хыйа турбаан. Пастап ол пу орында часовня пӱдірерге сағынған. Че устағчы-ларнаң чӧптезіп, хада-пірге хакас чонның алыбын турғызарға чаратханнар.
Аны пайрамни азарында Хакасия пазы орынчызының тоғы-зын толдырчатхан Константин Харисов, Хакасияның Улуғлар чӧбінің кнес орынчызы Григорий Майнагашев, Ветераннар чӧбінің кнезі Галина Трошкина, идінчек Иван Миндибеков ара-ласханнар. Ах ӧңніг ис суурылғанда, чон алнында чалаң аттығ алып турыбысхан. «Улуғ Хуртуйах тас» музейнің наука тоғынчы-зы Леонид Горбатов килген чонны ирбен отнаң аластаан.
- Мындағ ӱлӱкӱнге чыылысхан чон часкалығ чуртазын. Пик ха-зыхтығ, пик хоныхтығползын. Асхыс чирі саблан турзын, - алғаан Леонид Васильевич. - Амғы Хакасияның тархынында Асхыс айма-ана алынча чардых килісче. Пӱӱн піс республиканың таңдағызын тӧстепчебіс. Чиит, сіліг паза пик республикабыста кибірлер кӧп. Оларға тудынчатханкізілернің ^ таңдағызыполар. Ат чоххакас-ха-каснимес. Аткізее чазыдаңкӧдрінібізерге, ырахкӧрергепаза чирлерін хозыбызарға полыс пирген. Ат чох хакас кізее Сибирьдең Ортын Азияа теере улуғ чирлерні холға кирерге сидік поларчых. Илбек Ада чаа тузында даа чалаңнар Берлинге читкеннер.
Асхыс аалда сіліг орыннар кӧп, че пу монумент аал кӧрімінің ӧӧні полар. Аны хайди адап саларынча ӱр сағынғаннар. Салта-рында «Чазы алыбы» ат пирерге чаратханнар. Скульптураны тимнирге паза турғызарға ахчанаң полысханнар: Иван Миндибеков, Сталбек Мишаков, Тарика Торокова, Владимир паза Родион Астанаевтер, Евгений Челтыгмашев, Олег Манжула, Роман Челтыгмашев. Пу кӱнде ідӧк пӱдірігчілерге паза Асхыс аймаана улуғ хозым иткен чуртағчыларға сыйыхтар читірілген. «За многолетний добросовестный труд и службу Аскизскому району» танығнаң Людмила Кичеева, Галина Сафьянова сый-ыхтатханнар. Асхыс аймаа администрациязының Аарластығ пічіктері читірілген Юлия Шрооға, Иван Миндибековха, Сергей Новоселовха, Илья Кичеевке паза пасхазына. Алғыстастар-наң таныхтатханнар Василий Чертыков, Валентин Чаптыков, Эльвира Толмачева, Николай Боргояков, Юрий Мишаков.
Статуяны скульптор Василий Чертыков чайаан. Чалаң алыпты ол іскеркі саринзар кӧрчеткен чіли турғызыбысхан. Тоғызында ол мындағ сӧстер пас салған: «Піс саннаң кӱстіг полбаспыс. Піс хылиибыснаң кӱстіг поларға кирекпіс». Пу хыйғы полған на кізінің сағызында ползын.
- Скульптураны чайирға ікінңілебин чапсынғам. Тоғызым улуғ полбаан тиирге чарир. Хайди толдырардаңар сағынарға киректелбеен. Ниме чоохтааннар, аны иткем, - кӱлімзірепче Василий Иванович.
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде