АБАЗАҒА ӦӦН ТОҒЫСТЫ РУДНИК ПИРЧЕ
06.12.2019
Хабарлар
Хакасия пазы Валентин КОНОВАЛОВ Абаза город пазы Валентина ФИЛИМОНОВАНАҢ паза Абазадағы рудник директоры Виталий МИХЕЕВНЕҢ тоғасхан
Тоғыс чорығы. Хакасияның пазы Валентин Коновалов тоғыс чорығынаң Абазазар чӧрген. Анда ол город пазы Валентина Филимонованаң паза Абазадағы рудниктің директоры Виталий Михеевнең тоғасхан. Тоғазығда городха ӧӧн тоғыс пирчеткен предприятиенің тоғызынаңар чоох парған
9 ноябрьда рудникте анып алған руданы ӧӧр кӧдірчеткен механизм сайбал парған. Андадох республика устағҷызы, чыылығ иртіріп, правительствоның финанс-экономика блогына ол киректі сыныхтағда тударға чахығ пирген. Таныхтирға кирек, рудникте чир алтындағы тоғыстар тохтадылбаан.
- Рудник ӧмезінің хада-пірге чахсы тоғызы сылтаанда, руданы кӧдірҷең механизм табырах тыхтал парған. Предприятие городха ӧӧн тоғыс пирче, аннаңар аның тоғызы тӧреміл чахсы парарға кирек. Рудниктің устаана паза тоғынҷыларына, городтың администрациязына толдыр салған тоғыс ӱчӱн алғыс читірчем, - теен республика пазы Валентин Коновалов.
Чыылығ соонда Хакасия пазы фельдшер-акушер пунктында паза Абазаның Культура туразында полған. Анда киректер уғаа хомай полтыр. Амды Абазада олған туразы чох иділче, анда асхынах пала халған. Город пазы Валентина Филимонованың чӧбі хоостыра позыдылчатхан Абазадағы олған туразында аймах социальнай объекттер полар. Город пазының чооғынаң, майға теере ол тура позып парар.
Хайди таныхтаан регион устағҷызы, ол чахсы паза орта сағыс, че анда хоза тоғыс апарарға кирек. Валентин Коновалов нандырығлығ министерстволарға пір турада аймах учреждениелер полдырар оңдайны чахсы кӧрібізерге чахығ пирген.
Автор :
Хакасия пазының пресс-служба управлениезі
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы