ӦӦНІ - ХАРА ТАС ЧИТКӀҶЕ АЛ САЛАРЫ
24.12.2019
Хабарлар
Чыылығ. Хакасияның правительство туразында чылығ пирҷең тусха чарыдылған теестегі чыылығ ирткен
Хакасияның пӱдіріг паза чурт-коммунальнай хоных министрі Сергей Новиковтың чооғынаң, амғы туста Сорығдағы ӧӧн котельнайның 4-ҷі хазаны чылығ пирҷең тусха 90 % тимде, Тӧӧ пазы поселоктағы котельнайның полызығлығ оборудованиезі - 85 %.
Республикада хара тас чыындызының сині - 92 муң тонна. Хай пірее аймахтарда хара тас нинҷе-де ле кӱнге чидер. Оларның санында Шира аймаа, хайзында Жемчужнай, Наа чир, Сон пилтірі аалларда хара тас чыындызы тӧрт ле кӱнге читкіҷе. Асхыс аал чӧбінде хара тас 7 кӱнге чидер, Боград аалда - 10 кӱнге.
Сергей Новиков видеоселектор палғалыс хоостыра город-аймахтарның пастарына наа чыл каникулларына (иң асхынах 20 кӱнге) хара тас чыындызын тимнеп саларға чахығ пирген. 25 декабрьда прай муниципалитеттерде пу тоғыс толдырыл парарға кирек. Пу чағында муниципалитеттерге хоза дотация пирілген. Пӱдіріг паза ЖКХ министрі пу ахчаа хара тас алып аларға чахаан.
Пір неделя аразына Хакасияның пӱдіріг паза чурт-коммунальнай хоных министерствозының «Ізіг линиязынзар» чуртағҷылардаң алты айланыс кірген. Ағбан, Харатас городтарның паза Боград аалның чуртағҷыларын тураларзар чылығ читкіҷе пирілбинчеткені хомзындырған.
Хакасия пазы Валентин Коновалов чылығ пирҷең тусха читіре тимнен полбаан аймах-город пастарынаң видео-селекторҷа палғалысхан. Ӧӧн сидіксініс - ол хысхы тусха тимнегліг паспорттар, акттар ал полбааны. Пір неделя аразына тимнегліг акттарны пірдеезі ал полбаан.
Валентин Коновалов муниципалитеттер пастарына узун тынағ кӱннеріне котельнайларны тимниріне нандырығлығ хайарға чахаан.
Автор :
Оксана ЧЕЛТЫГМАШЕВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде