ОЛАР ПӰӰНГІ КИРЕКСІНІСТЕР САЛҒААНДАЛАР
24.12.2019
Хабарлар
Ӱлгӱде. Хакасияның пазы Валентин Коновалов республикадағы ведомстволар тоғынҷыларына Аарластығ пічіктер читірген
Хакасияның правительство туразында республиканың саннығ палғалызын тилітчеткен паза чонға хабарларны таратчатхан муниципальнай ӱлгӱлерде, ведомстволарда істенчеткен паза пӱӱл пӧзік чидіглерге читкен тоғынҷыларға Хакасия пазы Валентин Коновалов Аарластығ пічіктер читірген.
- Пӱӱнгі кӱнде республикада телевидениенің саннығ палғалызы маңнаныстығ тоғынча, - таныхтаан Валентин Коновалов. - Амды чон хазнаның 20 федеральная каналын кӧрер оңдайлығ. Мында республиканың халых тоғызында ӧткін араласчатханнар пар. Мыннаң мындар, амғы чидіглерде тохтабин, тоғысты уламох чахсы апарарға алғапчам!
Россияның саннығ тилізі паза чон палғалызы министерствозының Аарластығ пічиин алғаннар санында Хакасиядағы саннығ телевидениенің ӧӧн специализі Василий Бургундосов, Хакасия пазының пресс-служба управлениезі устағҷызы Ирина Емельянова, республиканың ӱгредіг паза наука министрінің орынҷызы Татьяна Карташова, национальнай паза территориальнай политика министрі Михаил Побызаков, орынҷызы Наталья Салата паза палғалыстарҷа ӧӧн консультант Ольга Фиде паза пасхазы полғаннар.
Россияның саннығ тилізі паза чон палғалызы министерствозының алғыстас пічиинең Асхыс аймааның чииттер киреенҷе ӧӧн специалист, аймахта саннығ телевидениені кирерінҷе тимненісті апарған Ольга Бытотова, Хакас политехническай колледжтің студент! Андрей Болганов, Ағбандағы 22 № школаның ӱгренҷізі Олег Озеров таныхтатханнар.
Саннығ телевидениені паза чон палғалызын тилідіп, чуртасха кирчеткеннер санында тоғынчатхан специалисттердең пасха, студенттер паза ӱгренҷілер дее пар. Олар пӱӱнгі кӱннің кирексіністерін чонға читірчелер, туснаң тиңе хаалапчалар.
Автор :
Елена САГАТАЕВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде