ЫЗЫХТА - НАА КУЛЬТУРА ТУРАЗЫ
31.01.2020
Хабарлар
«Культура» нацпроект. Ызых посёлокта ӱр сағаан Культура туразы азылды. Чуртағҷылар пу кӱнні он азыра чыл сахтааннар
Пу неделяда Алтай аймаандағы Ызых посёлокта наа Культура туразында пастағы пайрамнығ концерт иртті. Культура туразын пайрамни азарында Хакасия пазы Валентин Коновалов, Хазна Думазының депутады Надежда Максимова, республиканың культура министрі Леонид Ерёмин паза Алтай аймаа пазы Татьяна Раменская араласханнар.
2013 чылда чир тітіреен соонаң Культура туразы изелчеткенге саналған. Андағ даа полза, культура тоғынҷылары паза чуртағҷылар чайаачы киректерін тастабааннар.
2019 чылның от айының 25-ҷі кӱнінде «Культура» нацпроектче наа тура пӱдірии пасталған. Пӱдіріге киректелчеткен 33 миллион азыра салковай аймах синдегі бюджеттердең пирілген.
Амды Ызых поселоктағы Культура туразында прай ниме пар: кӧрігҷілер паза теелбекчілер заллары, кружоктар паза хореография кабинеттері, гримёрнай, хығырығҷылар залынаң хада библиотека. Тураның ибіркі чирі часхызын иптелер.
- Прай чӱреемнең алғапчам, культура кіні посёлоктың прай чуртағӌыларын піріктірзін. Ізенчем, ол сірерге кӧп чыл тузалығ полар паза кирексініснең тузаланар. Улуғ алғыс пӱдірігҷілерге, аймах паза посёлок устағ-пастаана паза сағыссырапчатхан прай чуртағчыларға, пӱӱн пу залға толдыра чон чыылысхан ӱчӱн, - теен чооғында Валентин Коновалов.
Пӱӱл республикада ааллардағы сигіс культура туразында тиксі тыхтағ тоғыстары толдырылар: Алтай аймаандағы Очыр паза Новомихайловка аалларда, Асхыс аймаандағы Кызлас паза Ӧӧк пилтірі аалларда, Пии аймаандағы Табат, Киндірліг пилтірі паза Сабинка аалларда, Таштып аймааның Культура туразында.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде