КУЛЬТУРАНЫ ТИЛІДЕР ТОҒЫС УЗАРАДЫЛАР
18.02.2020
Хабарлар
Нацпроект. «Культура» нацпроектче Хакасияда ӱс регион проекті чуртасха кирілче - ол «Культурная среда», «Чайаачы кiзiлер» паза «Саннығ культура»
Пӱӱл «Культурная среда» проект хоостыра Хакасияның сигіс культура туразында тыхтағ тоғызы кӧріл парған. Ол Алтай аймаандағы Очыр паза Новомихайловка, Асхыс аймаандағы Кызлас паза Ӧӧк пилтірі, Таштып аймаандағы Таштып паза Пии аймаандағы Табат, Солбы паза Киндірліг пилтірі аалларда. Пу кирекке федеральнай бюджеттең 23500,3 муң салковай позыдылар.
Аннаң пасха, Саяногорсктың, Харатастың олған музыка школаларына наа оборудование паза ӱгредіг материаллары алылар, Ағбандағы «Ровесник» библиотека, тізең, республикада пастағы модельнай библиотека пол парар. «Ровесникті» нааӌылабызарына федеральнай бюджеттең 5 миллион салковай позыдылған.
«Чайаачы кізілер» регион проекті полызиинаң Хакасияның культура сферазында істенчеткен 118 специализі Интернет пастыра тикке квалификациязын кӧдіріп алар, 55 чуртағӌы, тізең, «Культура волонтерлары» полыбызар.
Ідӧк «Саннығ культура» региондағы проект пастыра пу чыл тооза Хакасияның виртуальнай залларында концерттер кӧзіділер. Республикада виртуальнай заллар Ағбанда республика филармониязында паза Нымырттығ поселокта «Энергетик» культура ӧргезінде пар.
Регионның проекттері Хакасия чуртағӌыларына пос тузын тузалығ паза хынығ иртірерге оңдай пирче, олар виртуальнай заллар пастыра тилекей культуразынаң танысчалар, культура тоғынӌылары, тізең, профессионализмнерін тилітчелер.
Автор :
Хакасия культура министерствозының пресс-службазы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде