КЕМГЕ ХАБАЗЫҒ ПОЛАР?
01.04.2020
Хабарлар
Хазна полызии. Коронавирус тарапчатханда, сидіксініске кірчеткен экономика отрасльларына полызығ пирілер
Россияның экономика тилізі министерствозы, бизнес пірігізінең чӧптескен соонда, мындағ отрасльларға хазна хабазиин пирерге чаратхан:
- авиациянаң, автомобильлернең тартар тоғыс, аэропорттар тоғызы;
- культура учреждениелерінің тоғызы;
- хазых пиктеҷең физкультура тоғызы паза спорт;
- турист агентстволарының паза туризм сферазындағы пасха даа организацияларның тоғызы, гостиницалар бизнезі;
- халых чонны азырапчатханы, хоза ӱгредіг организациялары паза хазнани нимес ӱгредіг учреждениелері;
- конференциялар паза кӧзідіглер иртірерінде тоғыс;
- чонға чуртас полызығларын пирерінде тоғыс (тыхтағ, кип-азах чууры, химчистка, сас хырығары паза сіліг итчең салоннар).
Россия президентінің чахиинда мындағ полызығ пирілер:
- прай налогтарны тӧлирі (НДС-таң пасха) алты айға соона
чылдырылар;
- кічіг предприятиелерге бюджеттегі нимес хазна фондтарынзар страховой взностар тӧлирі алты айға соона чылдырылар;
- кічіг паза ортымах бизнес субъекттеріне кредиттерде тӧлеглер алты айға соона чылдырылар;
- тоғынчатхан секторға кредиттерні тӧреміл алар хоза оңдайлар пирілер, ол санда хазна гарантиялары паза субсидиялар;
- кредиторлар компанияларны банкрот идердеңер паза предприятиелердең алымнар паза штрафтар алардаңар сурыныс пічіктері алты ай алылбас;
- кічіг паза ортымах бизнеске федеральнай ис-пай ӱчӱн аренда тӧлеглерін пирері соона чылдырылар;
- кічіг паза ортымах предприятиелерге 8,5 проценттең азыра нимес льготалығ ставкада кредиттер алар оңдайлар алғыдылар;
- сыныхтағлығ садызығлар, пландағы паза планға кирілбеен сыныхтағлар иртірері тохтадылар.
Автор :
Анна СЕМЁНОВА
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде