ИҢ СИРГЕК ХЫҒЫРЫҒҶЫНЫ ТІЛЕПЧЕБІС
03.04.2020
Хабарлар
Марығ. Хосхар айында «Хакас чирі» газета «Иң сиргек хығырығҷы» марығны узаратча
Пастағы марығ азығ айында ирткен. Андада Улуғ Нонып аалдаң Эльза Чебодаева иң сиргек хығырығҷы полыбысхан. Чиңісчі Ағбан городтағы «Спорт планетазы» садығ туразының 3000 салковайға сертификадынаң сыйыхтатхан. Коронавирус чуғынҷах ағырығ газета тоғызына теелгенӧк, аннаңар кӧрік айында сыххан материалларҷа сурығлар сала соонаң пирілер. Сағам, тізең, марығ оңдайларын сағысха кирібізелер.
1. Иң сиргек хығырығҷыны табар ӱчӱн, редакция ирткен айда сыххан искіріглер паза материаллар пастыра хығырығҷыларға пис сурығ пир турар.
2. Газета сурығларға нандырығ чыыпчатхан кӱнні азынада искірер.
3. Иң пурун прай сурығларға орта нандырығ пирген хығырығҷы «Иң сиргек хығырығҷы» атха паза сыйыхха турызар.
Орта сизіндіңер, марығның полған на айында пір ле чиңісчі табылча! Газетабыс тиксі республика хығырығҷыларының холына ай-мах тус пазынаң читче: ағбандағылар аны сыхханох кӱнде алчатсалар, ыраххы ааллар чуртағҷыларынзар ӱс сығарыс неделя тоозылчатса ла читче! Аны санға алып, сурығлар пір ай номерлері прай хығырығҷыларзар читкен туста пиріл турар.
Сыйыхтар чыындызы спонсорлар полызиинаң тӧстелче, аннаңар хайдағ айда чиңісчее хайдағ сыйых читірілерін азынада искірбинчебіс. Ізенчебіс, кӧрік айының газеталары тимде чатча, сурығлар сыхса, кӧрілген кӱнде сығдырадарларыңны чидікпин сағирбыс. Кем хосхар айында иң сиргек хығырығҷы поларға сағынча, газетаның кічіг дее хабарын иртірбин хығырыңар.
Автор :
«Хакас чирі» газетаның редакциязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы