ПОЛҒАН НА АЙЛАНЫСТЫ ХАЙЫҒДА ТУТЧАЛАР
15.04.2020
Хабарлар
Тоғазығ. Хакасияның пазы Валентин Коновалов #ПісХадабыс тиксі Россиядағы чӧрім волонтёрлары штабында пол килген
КОРОНАВИРУС ПОЛҒАН НА КІЗІНІҢ ХАЗИИНА ӰРЕГ АҒЫЛАР ОҢДАЙЛЫҒ, ЧЕ ПУ ЧУҒЫНҶАХ АҒЫРЫҒ ИҢ ПАСТАП АҒА-УУҶАЛАРҒА УЛУҒ ХОРҒЫС АҒЫЛЧА. АННАҢАР УЛУҒ ЧАСТЫҒЛАРҒА ИБДЕҢ СЫХПАС РЕЖИМНІ САЙБИРҒА ПІР ДЕЕ ЧАРАБАС. ЧЕ КІЗІЛЕРНІҢ ПОС КИРЕКСІНІСТЕРІ, ПӦГІЛБЕЕН СУРЫҒЛАРЫ ПАР, ОЛАРНЫ ВОЛОНТЕРЛАР ПӦГЕРГЕ ПОЛЫСЧАЛАР.
ПУ КӰННЕРДЕ ХАКАСИЯНЫҢ ПАЗЫ ВАЛЕНТИН КОНОВАЛОВ, ВОЛОНТЁРЛАР ШТАБЫНДА ПОЛ КИЛІП, ӦТКІН ООЛ-ХЫСТАРНАҢ ЧООХ АЛЫСХАН, СИДІКСІНІСТЕРІНЕҢЕР ПІЛІП АЛҒАН. ЧИИТТЕРНІҢ ТАНИИНАҢ, ТОҒЫС КӦП, АҒА-УУҶАЛАР ПОЛЫЗЫҒ СУРАП ТӦРЕМІЛ АЙЛАНЧАЛАР.
Пӱӱнгі кӱнге волонтерларға пис муң артиинаң айланыс кірген. Сидіксіністердеңер чоохтаза, рецепттерҷе пирілчеткен имнер аларына илееде тус парыбысча. «Ізіг линиязар» 60 часха читкелек улус удаа сығдыратча. Оларнаң тоғыс алынҷа апарылча.
Валентин Олегович волонтерларға полған на айланысты хайығда тударға чахаан. Хайди таныхтаан Хакасия пазы, «ізіг линияа» сығдыратчатханнар чуртас сидіксіністеріне кір парған поларлар, оларға хайди даа полыс пирерге кирек. Валентин Коновалов волонтёрларның тоғызына пӧзік паалағ пирген. Чӧрім араласчыларына кізі читпинібіссе, тоғысха министерство-ведомстволар хозылар теен.
Амғы туста Хакасияда чӧрімде 300 кізі араласча. Оларның санында «Чииттернің стратегия пастағларының паза проекттерінің кіні» фонд» коммерческай нимес пірігістің, «Волонтер-медиктер» тиксі Россиядағы чӧрімнің паза Тиксі Россиядағы чон фронты Хакасиядағы пӧлиинің араласчылары. Волонтёрларға тоғысты апарарға Пос кӧңнінең полысчатханнарның ресурс кінінең республиканың наука паза ӱгредіг министерствозы хабасчалар.
#ПісХадабыс проект хоостыра ікі акция иртірілче. Волонтёрлар 60 час ас парған чуртағҷыларға имнер паза чиис аларға полысчалар. Ікінҷі акция хоостыра чуға чуртапчатхан 65 час ас парған аға-ууҷаларға тикке ас-тамах чыындызы пирілче.
Полызығ кирек полза, «ізіг линияның» 8-800-200-34-11 телефонынҷа сығдырадыңар алай «ОНФ. Помощь» мобильнай приложение пастыра айланыңар.
Автор :
Хакасия пазыны паза правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде