САБЛЫҒ ЫРҶЫНЫҢ ПАЙРАМЫНА ЧАРЫДЫЛЧА
20.05.2020
Хабарлар
Хакасия чон артизі Владимир ЧАПТЫКОВ
Культура. Пӱӱл 16 майда Хакасияның чон артизі Владимир Чаптыковха 80 час толарҷых
Ырӌы, ӱгретчі, Хакасияның пастағы культура министрі Владимир Чаптыков чоныбыстың чуртазына паалап полбас хозым иткен. Ол Хакасияда классика вокал искусствозының тӧстегӌізі полча. Ағбандағы музыка училищезінде істеніп, Владимир Герасимович кӧп оол-хысха чайаачы чол асхан. Аның холында Екатерина Кыштымова, Людмила Арыштаева, Зинаида Аршанова, Мария Янгулова, Светлана Диких, Александр Киштеев ӱгренгеннер.
Хакасияның чон артизі Владимир Чаптыков Хакас филармониязы тӧстелгеннең аның солизі полған. 2011 чылдаң филармония саблығ артисттің адын ал чӧрче. Культура учреждениезінің директоры Вячеслав Инкижеков таныхтапча:
- Владимир Герасимович - хакас чонның саблығ оолғы. Аның чайаачызы Хакасияның музыка культуразының иң чарых страницазына саналча. Пістің чӱреебісте ол симфоническай оркестрнің тӧстегҷізі, музыканттарның ӱгретчізі чіли халған.
Хакас филармониязы Владимир Чаптыковтың 80 чазына чарыдылған концерт тимнеп салған. Ол 1 октябрьда иртер. 26 майда, тізең, учреждениенің ютуб-каналында паза РТС телерадио-компанияның эфирінде саблығ ырӌының халғанӌы концерттерінің пірсі кӧзіділер. Ол 2010 чылда видеоға пазылған. Архив видеозы ырӌының сіліг ӱніне морсынарға оңдай пирче.
Автор :
Марина ГРИБКОВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде