Сыныхтирға сурынчалар!
11.11.2020
Хабарлар
*********************************************************************************
Пу кӱннерде алынҷа кiзiлер паза пiрее интернет-хабарҷылар, республикадағы сидiк киректерге сылтанып, Хакасия пазы Валентин Коноваловты тоғыс орнынаң суурар чӧрiмнi пастапчатханнаңар соцсетьтерде паза хай пiрее хабарлар таратчаң оңдайларда чарлааннар. Пӱӱн, тiзең, пу сурыға пресс-конференция иртiрчеткеннерiн искiргеннер.
Пу хайыныстар республикадағы закон сығарҷаң ӱлгӱ органнарының депутаттарының хайии чох халбаан. Республиканың Ӧӧркi Чӧп депутаттары паза город-аймахтарның депутаттар чӧптерiнiң депутаттары аны хоостыра Хакасия прокуроры тоғызын толдырчатхан Денис Стонттың, Хызылчар крайынҷа iстезiг устанызының iстезiг комитедiнiң устағҷызы Олег Алексеевтiң паза Хакасияҷа МВД министрi Владислав Мингеланың адына айланыс тимнебiскеннер. Депутаттарның кӧрiзiнең, 2019-2020 чылларда пу кiзiлер, пiр ӧмее кiрiп, республиканың толдырығлығ паза закон сығарҷаң ӱлгӱ органнарын паза аның устағҷыларын чон хараа алнында тӱзiрiп, чуртағҷылар аразында политика кӧрiстерiнҷе хырыс-табыс сығарчалар, регионның тиксi чуртазын сайбапчалар. Тиксi алза, прай пу искiрiглiг хайыныстарны экстремист кӧстеглiг тiп санапчалар айланчатхан депутаттар.
Айланыста ӧмее кiрчеткен аттар паза олар пасхан хабарларға, кӧзiдiглерге ссылкалар пирiлче. Депутаттар ол кiзiлернi паза искiрiглернi экстремизмге паза, Россия законнарын сайбап, парыс алчатханнарына сыныхтирға сурынчалар.
********************************************************************************
Автор :
Наталья Субракова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы