Ағырығның öзiзi пол парбас ӱчӱн
25.12.2020
Хабарлар
Хакасия правительствозындағы коронавирус чуғынӌах ағырығ тарапчатханынаң тоғыр кӱрезерiнӌе оперативнай штабтың чыылии ирткен.
Чыылығда наа чыл каникулларында кинотеатрлар залларына сала кöп кiзi кирерге чарадығ аларынаңар ӱзӱрiлген. Амғы туста залны 25%-ке толдырчалар, кинотеатрларның ээлерi залны 50%-ке толдырарға чарадарға сурыныснаң айланғаннар. Роспотребнадзорның специалисттерi кöрiзiнең, пiстiң республикада ағырчатханнарның санын хайыға алза, залларны 30%-тең артых толдырарға чарадарға чарабас. Амды пу сурығ хоостыра Роспотребнадзорнаң чöптезiг парча.
Хакасия пазы Валентин Коновалов таныхтаан, Наа чыл ӱлӱкӱнi алнында паза январьдағы тынағ кӱннерiнде коронавируснаң ағырчатханнарның саны тың хозылбас ӱчӱн, муниципальнай пӱдiстернiң устағӌыларына профилактика тоғыстарын уламох чахсы толдырарға чахаан. Кöп чон чöрчеткен орыннарда паза кöп квартиралығ тураларда дезинфекция тоғыстарын апарарын тохтатпасха. Роспотребнадзорның санитарнай чахығларын коммерческай паза коммерческай нимес организацияларда паза кöп чон чöрчеткен транспорттарда тудынчатханнарын хайығда тударға. Ӱлӱкӱннерде, график тимнеп, сыныхтағлар иртiрерге, январь айда тынағлар соонда ковид ағырығнаң ағырчатханнарның öзiзi пол парбас ӱчӱн.
Автор :
Наталья Тюкпеева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде