62 кiзi оңдайланып алған, 81 – ағырыбысхан
24.01.2021
Хабарлар
Хакасияда ирткен сутка аразына «коронавирус» ағырығдаң 62 кiзi имненiп алған, тиксi оңдайланып алған 18282 кiзi саналча.
Лабораторияда 81 кiзiнiң СOVID-19 ағырығны хаптырып алғаны киречiлелген, ол санда Ағбанда паза Саяногорскта – 15-ер кiзiнiң, Харатаста – 24, Ағбан пилтiрi аймаанда – 10, Асхыс аймаанда – 8, Алтай аймаанда – 4, Сорығда, Боград паза Шира аймахтарында – 1-ер. Имнег полызиин киректееннернiң 22 кiзiзi кискек ағырииның кӧзiдiглерiнең айланған, 14 кiзi пневмонияа сыныхтанған, 23 кiзiнiң сӧбiрезiнде ағырчалар, 3 кiзiнiң – тоғыста. Тӧрт кiзiнiң ағырчатханы пасха регионда алай хырығ озаринда пол килген соонаң сығысхан ( Хызылчар крайында – 2, Междуреченскте – 1, Новороссийскта – 1).
Тымо пасталғаннаң Хакасияда COVID-19 хаптырған 19984 кирек санға алылған. Ағырчатханнарнаң палғалысхан 5435 кiзi имҷiлер хайииндалар. Ибде 1 025 (+25) кiзi имненче, стационарларда – 306 ағырчатхан кiзi, оларның 62-зi аар ағырча, ол санда 10 кiзi кии читiрҷең аппарат полызиинаң тынча.
Автор :
Наталья Субракова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы