Чарадығ чох акциялар хорғыс ағылчалар
29.01.2021
Хабарлар
Хакасиядағы кiзi праволарынҷа уполномоченнай Андрей Шулбаев 23 январьда чарадығ чох ирткен тоғырланыс акциязы хоостыра чонзар айланча:
– Чуртағҷыларны чарадығ чох иртiрiлчеткен тоғырланыс акциялары закон хыйыстыра парчатханнарынаңар паза оларны иртiрчеткен ӱчӱн нандырығдаңар сизiндiрерге сағынчам. Чонның амыр паза хорғыс чох чуртазын сайбирына iле чочыныс пар.
Иң не хомзыныстығ, политикадағы сағыс-кӧрiстерiн чуртасха кирер ӱчӱн паза пӧгiннерiне чидер ӱчӱн, акцияларны иртiрчеткеннер чазы читкелек олғаннарны тартчалар.
Палаларны хайығда тудар ӱчӱн iҷе-пабаларзар паза ӱгретчiлерзер айланарға сағынчам. Палаларға мындағ киректерде араласханында хорғыс, нандырығ паза хомай салтарлар парынаңар искiрiгнi читiрерге.
Россиядағы кiзi праволарынҷа уполномоченнай паза регионнардағы уполномоченнайлар чарадығ чох иртчеткен тоғырланыс акцияларынаң палғалыстығ киректернi тӧремiл хайығда тутчалар. Прай айланыстар санға алылған паза оларны хоостыра чапчаң тоғыс апарылча.
Автор :
Наталья Субракова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде