58 кiзi хазыхтанып алған
06.02.2021
Хабарлар
Пӱӱнгi кӱнде Хакасияда коронавирус чуғынӌах ағырығны 50 чуртағӌы хаптырып алған (Ағбанда - 23, Саяногорскта - 11, Харатаста - 5, Сорығда паза Алтай, Орджоникидзе аймахтарында - пiрер, Ағбан пилтiрi аймаанда - 4, Асхыс паза Таштып аймахтарында - iкiлер).
13 чуртағӌы имнег тураларынзар ОРВИ-наң айланған, 8 кiзiдең наа чуғынӌах ағырығ внебольничнай пневмониядаң имненчеткенде сығысхан.
11 кiзi сöбiреде ағырығны хаптырып алған, 6 чуртағӌы -тоғыста. 5 кiзiдең имӌiлер ағырығны план хоостыра сыныхтағ иртiрчеткенде таап алғаннар. 6 чуртағӌы, пос алынӌа тест иртiбiзiп, ковиднаң ағырчатханынаңар пiлiп алған. Пiр кiзi, Хызылчар крайынаң айланып, коронавируснаң ағырыбысхан.
Пандемия пасталғанынаң сығара Хакасияда тиксi 20699 чуртағӌы COVID-19-наң ағырыбысхан.
Халғанӌы суткада пiр ирен, чуғынӌах ағырығдаң чазыл полбин, ӱреен. Республикада пандемия пасталғанынаң сығара 396 чуртағӌы ах чарыхтаң парыбысхан. Чоохтирға кирек, ағырыбысхан кiзiнең палғалыста полған кiзiлернi имӌiлер хайығда тутчалар. Пӱӱнгi кӱнде андағ чуртағӌыларның саны 4645(-139) кiзее тиңнелче. Ибде 722(-7) чуртағӌы имненче, имнег тураларында - 268(-2) кiзi, аар ағырчатханнарның саны 51(+7) кiзее чит парған, ИВЛ-да - 7(+2) чуртағӌы.
6 февральға "Коронавирус" диагнозтығ чуртағӌылардаң 58-зi хазыхтанып алған. Тиксi чуғынӌах ағырығдаң чазылып алғаннарның саны 19 310 кiзее тиңнел парған.
Автор :
Тимнеен Ольга Томочакова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы