Ағырыбысхан 21 чуртағӌы
07.02.2021
Хабарлар
Хакасия правительствозындағы коронавирус чуғынӌах ағырығ тарапчатханынаң тоғыр кӱрезерiнӌе оперативнай штабтың искiриинең, ирткен суткада республикада наа чуғынӌах ағырығдаң 21 кiзi имненiп алған. Пандемия пасталғаннаң, ағырығдаң озып, хазыхтанып алғаннарның саны 19331 кiзее тиңнелче.
Пӱӱнгi кӱнде COVID-19 ағырығны 49 кiзi чухтырып алған ( Ағбанда -15, Саяногорскта -18, Харатаста паза Асхыс аймаанда - тöртер , Сорығда - 3, Ағбан пилтiрi, Алтай, Шира, Боград аймахтарында - пiрер). Тиксi пандемия пасталғаннаң республикада коронавирусты хаптырғаннарның саны 20748 кiзее чит парған. Ибде коронавирустаң 743 кiзi имненче. Стационарларда 272 пациент имнег иртче ( 52 пациенттiң пу ағырығ аар иртче, ИВЛ-да - 7 кiзi). Халғанӌы суткада, наа чуғынӌах ағырығдаң чазыл полбин, ӱс кiзi ӱреен. Республикада тиксi коронавирустаң 399 чуртағӌы ӱреен.
Автор :
Тимнеен Наталья Тюкпеева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы