Ағырчатханнарның саны синче
12.02.2021
Хабарлар
Хакасия правительствозындағы коронавирус чуғынӌах ағырығ тарапчатханынаң тоғыр кӱрезерiнӌе оперативнай штабтың чыылии ирткен.
Ирткен суткада республикада коронавируснаң 32 кiзi ағырыбысханы iлезiне сығысхан. Хазыхтанып алғаннарның саны 49 кiзее тиңнелче. Пандемия пасталғаннаң Хакасияда наа чуғынӌах ағырығны хаптырғаннарның саны 20924 кiзее чит парған, ағырығдаң озып, чазыл парғаннарның саны 19538 кiзее тиңнелче. Ибде наа чуғынӌах ағырығдаң имненчеткеннернiң саны 723 кiзi. Стационарларда 243 пациент имнег иртче (52 пациенттiң пу ағырығ аар иртче, ИВЛ- да - 4 кiзi).
Республикада коронавируснаң ағырчатханнарның саны синчеткенде, Ағбандағы аймахтар аразындағы имнег туразының стационар пöлиинде коронавируснаң ағырчатханнарға кöрiлген орыннарны чаап, пландағы имнегнi нааӌылирдаңар искiрiлген. Пӱӱнгi кӱнде коронавирус диагнозтығ пациенттерге республиканың имнег тураларында 641 орған тимде, оларның 371 орған пос турча.
Таңда республиказар коронавирус чуғынӌах ағырығдаң тоғыр вакцинаның партиязы чидер. Аны регионның прививка турғысчатхан имнег организацияларынзар понедельник иртен тарадарлар. Пазағы партия Хакасиязар килчеткен неделяның халғанӌы кӱннерiнде чидер.
Имӌiлер таныхтапчалар, тиксi республикада эпидемия кирее хомай нимес. Чуртағӌыларның аразында коронавируснаң, ОРВИ-наң паза пневмониянаң ағырчатханнарның саны синче.
Автор :
Наталья Тюкпеева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде