Чааӌыларны хумартхылап
23.02.2021
Хабарлар
Хакас Республика правительствозы пресс-службазының искiриинең, Ада чир-суғ арачылағӌызы кӱнiнде Хакасия пазы Валентин Коновалов паза Ööркi Чöп кнезi Владимир Штыгашев республиканың кӱс ведомстволары кiзiлерiнең хада Ағбандағы Чиңiс паркындағы Успас от хыринда, чир-суу ӱчӱн чуртастарын пир салған чааӌыларны хумартхылап, пiр минута сым турып, тiрiг чахайахтар салғаннар.
23 февраль хазнадағы иң аарластығ ӱлӱкӱннернiң пiрсi полча. Аны алғым таныхтиры СССР тузындох пасталған. Андада ол чыл сай Совет Армиязының паза чаа-талай флодының кӱнi чiли пайрамналчатхан. 2002 чылдаң сығара пу кӱн Россияда тынағ кӱнi полча.
Пӱӱл, Хакасия правительствозындағы коронавирустаң тоғыр кӱрезерiнӌе оперативнай штабтың чахиинаң, 23 февральға чарыдылған республика синiндегi "Чон паза армия - хадалар" ӱлӱкӱннi иртiрбеске чарадығ алылған.
Автор :
Тимнеен Александра Карамчакова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы