Троллейбус паазы öзер бе?
12.03.2021
Хабарлар
Пӱӱнгi кӱнде чонны тарт чöрчеткен транспорт тарифтерiн Хакасияның чарытхыны паза тарифтернi сыныхтағда тутчатхан хазна комитедi чарадыға алча. Пу комитет 2020 чылдаң сығара Ағбандағы троллейбус управлениезiнең городта троллейбуснаң чöрiске пааларны öскiрбестеңер чарғыласча.
Троллейбус устағ-пастаа 18 салковай орнына 36 салковайға кöдiрiбiзерге сағыс тутча. Прай кирек Ағбанның администрациязы 2020 чылда управление тудығлары ӱчӱн субсидияны читiре айландырбаанынаң палғалыстығ.
- Чон аразында аймах чоохтар чöрбес ӱчӱн, хабарӌыларны брифингке чыып, чарыт пирерге сағынчам, - чооғын пастаан комитет пастығы Манук Данданян. - Хакасия пазы Валентин Коновалов чонға троллейбуснаң чöрiс ӱчӱн, амғы пааны хайди даа олох синде халғыс саларға айланған. Город транспорты Ағбанның администрациязы холына кiрче. Чыл сай кöрiлген троллейбус управлениезiне субсидияларны олар позытчалар.
4 мартта ирткен чарғыда республиканың арбитраж чарғызы Ағбандағы троллейбус управлениезiнiң айланызы хоостыра Хакасияның чарытхыны паза тарифтернi сыныхтағда тутчатхан хазна комитедiнзер исктең тоғыр полыбысхан. Чарғы Ағбанӌа троллейбуснаң чöрер 18 салковай паа закон хоостыра чуртасха кирiлген тiп чарасча.
Автор :
Елена Сагатаева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде