Коронавируснаң 12 кiзi ағырыбысты
14.03.2021
Хабарлар
Хакасияда 79 кiзi коронавирус чуғынӌах ағырығдаң имненiп алды. Пандемия пасталғанынаң республикада тиксi 20 697 кiзi ағырығны тобырып алған.
Ирткен суткада коронавирусты 12 кiзi хаптырып алғаны iлезiне сыххан (Ағбан – 4, Харатас– 6, Саяногорск паза Ағбан пилтiрi – 1-ер).
Пандемия пасталғанынаң Хакасияда 21 537 кiзi COVID-19 ағырығнаң ағырған. Халғанӌы 4 кӱнге чуғынӌах ағырығ тарапчатхан коэффициент – 0,6 тиңнелче. Имӌiлернiң хайиинда 2 260 кiзi, хайзылары ағырчатханнарнаң палғалыс тутханнар. Имнег полызиин 237 пациент алча, оларның 25-зi аар чатча, 4 пациент - ИВЛ-да.
Ирткен суткада коронвирустаң пiр кiзi ӱреен, ағаа 79 час полған.
Автор :
Оксана Сунчугашева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде