Мишаа полыс пирелер!
14.03.2021
Хабарлар
Катанов аалдағы Степан Карамчаковтың сӧбiрезiне улуғ полызығ кирек! Миша оолахтарының аар ағырығ iлезiне сығарылған – Юингтiң саркомазы.
2020 чылда кӱскӱзiн Миша наа школада ӱгренiп пастаан. Н.Ф.Катановтың адынаң национальнай гимназия оолахты чылығ удурлаан. Ӱгренҷi гимназияда класстағы олғаннарнаң ынағласхан, кӱреске пазын салған. Че кинетiн не аар ағырыбысхан…
Пу тусха теере ол химия терапиязын иртiбiскен. Амды ағырыға хаптырған кӧчiк-пут сӧӧгiн ӧнетiн эндопротезке алыстырарға киректелче. Имҷiлер пу кӱннерде дее протезтi турғызарға тимделер, че протез 3 миллион салковай турча. Пiлдiстiг, сӧбiренiң ол син ахча чоғыл.
Аннаңар «Хакасия» ГТРК-ның хабарҷылары кӧзiдiг тимнееннер. Сӧбiре полызығ соонҷа «Русфондсар» айлантыр. Чыындының сайтының (rusfond.ru) ӧӧн страницазында Миша Карамчаковха эндопротез киректелчеткеннеңер искiрiг пирiлче. Анда «Хайди полыс пирерге» кнопка пар. Аны пазыбысса, ызар ахчаны кӧзiдiп, пос адын паза электроннай почта адрезiн пазып, картанаң тӧлир оңдай пирiлче.
«Хакасия» ГТРК ахчалығ полызығны 5542 номерҷе чыыпча: андар «Вести» сӧстiг СМС ызарға кирек, аның паазы 100 салковай. Ӏдӧк полызығны оолахтың пабазы Степан Григорьевичтiң адына азылған карта номерiне ызарға чарир: 2202 2013 1596 1751.
Автор :
Наталья Субракова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде