28 кiзi хазыхтанып алды
19.03.2021
Хабарлар
Халғанӌы суткада коронавирус чуғынӌах ағырығдаң 28 кiзi имненiп алды. Пӱӱнгi кӱнде республикада чазылып алған чуртағӌыларның саны 20924 кiзее (ағырыбысханнарның санынаң 96,6%) тиңнелче.
Таныхтирға кирек, халғанӌы суткада Хакасияда наа чуғынӌах ағырығны 15 кiзi хаптырып алды (Ағбанда паза Саяногорскта - 3 чуртағӌы, Харатаста - 5, Ағбан пилтiрi паза Орджоникидзе аймахтарында - 2):
- 5 кiзi ОРВИ-наң ағырыбызып айланған;
- 3 чуртағӌыдаң ковид внебольничнай пневмониядаң имненчеткенде сығысхан;
- 5 кiзi сöбiре iстiнде ағырығны хаптырып алған паза 1 чуртағӌы -тоғыста, 1 кiзiдең - план хоостыра сыныхтағлар иртiрiлчеткенде сығысхан.
Пандемия пасталғанынаң сығара республикада коронавируснаң ағырыбысханнарның саны 21657 кiзее чит парды. 4 кӱн аразына ағырығның чон аразында тарапчатханынаң коэффициентi 1,1 тиңнелче. 7 кӱн аразына ол кöзiдiм 1 читче.
Пӱӱнгi кӱнде имӌiлернiң хайиинда 1831(-88) кiзi саналча. Олар прайзы коронавирусты хаптырып алған чуртағӌыларнаң палғалыс тутханнар. 127(-11) чуртағӌы ибдең имненче, 112(-5) чир-суғӌыбыс - имнег тураларында: 23 (+1) чуртағӌы тың ағырча паза 5 кiзi ИВЛ-да.
Автор :
Тимнеен Ольга Томочакова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы