ОЛАРҒА ПААРСАС КИРЕК
15.02.2019
Хабарлар
Окіс ӧспезіннер. Полған на паланың чуртир паза сӧбіреде ӧзер правозы пар. Хазии уйан олғаннар, тізең, уламох кӧп хайығ кирексіпчелер.
Екатерина Ш., 2011 чылда тӧреен:
- Катя - уғаа ачых-чарых хызыҷах. Ол улуғларны даа, кічіглерні дее хаҷан даа чалахай кӱлімзірезінең удурлапча. Ідӧк Катяҷах уғаа чуға істіліг. Харах оды уйан хызычах хомзынысты паза ӧріністі чахсы сизінче. Паарсахтарға паарсаснаңох нандырча. Катюша кізі чооғындағы сіліг
сӧстерге, сӧс пірігістеріне алынҷа хайығ айландырча. Оларны прайзын сағын саларға кӱстенче. Книга хығырчатсалар, ідӧк ситкіп исче. Хазии уйан Катя позын сӧбірезер алып аларларын чидікпин сағыпча.
Александр Ч., 2008 чылда тӧреен:
- Саша - прай ниме пілерге харасчатхан оолағас. Ол, чахсы чоохтан полбаза даа, улуғларнаң тіл алызарға пілче. Піреезі пірее ниме чоохтапчатса, алай книга хығырчатса, аның кӧңніне тың кірче. Сашачах ӧңніг хоостарны кӧрерге, оларны позы сырлирға, аймах пирамидка-кубиктер чыырға хынча. Паза оолағастың хайиин тартчалар андағох чарых ӧңніг ойначахтар. Улуғларның хайдағ даа сурынызын ол хынып толдырча. Сашаа аны таллап алар іҷе-пабадаң паарсас паза хыныс киректелче.
Пір чӧпке киліп, чарадығ аларға тимненібіскен сӧбірелер пу телефон номерінҷе сығдыратсыннар: 8(3902)295-262. Прай сурығларға паба-іҷе хайии чох халған олғаннарны санға алчатхан хазнаның региондағы операторы нандырар.
Автор :
Тимнеен Александра КАРАМЧАКОВА
Пн | Вт | Ср | Чт | Пт | Сб | Вс |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде