Хакасияның наа спорт министрi
30.12.2020
Хабарлар
Хакасия пазы Валентин Коноваловтың чарадиинаң 30 декабрьда 2020 чылда республиканың спорт министрiне Сергей Кочан турғызылған. Алында Сергей Владимирович Хызылчарда «Сибиряк» олимп резервiнiң спорт школазы» МАУ-наң устаан.
- Пӧгiннер кӧп. Хакасияда спортты тилiдерге, тренерлерге паза спортсменнерге хабазарға кирек. Ӏзенчем, улуғларны паза кiчiглернi спортха кӧнiктiрер программаларны чуртасха кирiп, наа объекттер тӧстеп, федеральнай ахчаны республиказар кирiп ал турарзар. Сiрерге тӱзiмнiг тоғыс алғапчам, - теен Валентин Коновалов.
Сергей Владимирович Кочан 1961 чылда 24 июльда тӧреен. Аның iкi пӧзiк ӱгредiг. Ӏстенiс чолын 1977 чылда пастаан. 1984 чылның октябрьынаң Хызылчардағы ӧңнiг металлар паза алтын институдының физическай ӱгредiг кафедразында тоғынған. 1991 чылда аны Хызылчарның Железнодорожнай аймааның физическай культура паза спорт комитедiнiң кнезiне турғысханнар, 1997 чылда декабрьда - «Энергия» спорт комплексiнiң директорына. 2005 чылдаң Сергей Владимирович Хызылчар администрациязының физкультура, спорт паза туризм комитедiнiң кнезi полған. Сергей Кочан – Россияның физическай культураның паза спорттың отличнигi, Хызылчар крайының физическай культураның саблығ тоғынҷызы.
Автор :
Тимнеен Майя Кильчичакова
Пн | Вт | Ср | Чт | Пт | Сб | Вс |
28 | 29 | 30 | 31 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде