СОЦИАЛЬНАЙ ОБЪЕКТТЕР ХАКАСИЯ ПАЗЫНЫҢ ХАЙИИНДА
06.09.2017
Хабарлар
Хакасияның пазы Виктор Зимин Паза аал чӧбінің . устағҷызы Светлана Майнагашеванаң тоғасхан. Пу аал чӧбінзер тӧрт аал кірче (Паза Пиизі, Чоғархы Паза, Паза пилтірі, Индіркі Паза), оларның ікізі Хакасия пазының кічіг, ыраххы аалларны хайраллирынҷа паза тилідерінҷе республика программазынзар кірче. Тоғазығда аал чӧбінің пазы программа чуртасха хайди кирілчеткенінеңер паза пар сидіксіністердеңер чоохтап пирген.
Ирткен пис чыл аразына Паза аалларында олған ойнаҷаң площадкалар турғызылған, чуртағҷылар мал тутчатхан ӱчӱн субсидиялар алчалар, полған на тӱнӱкте суғ алҷаң орын пар, чоллар тыхталған.
- Улуғ алғыс сірерге пу хабазығ ӱчӱн. Аалдағыларға ол чахсы полызығ. Мал ӱчӱн тӧлелчеткен ахчаа мал азиин даа, от таа садызып аларға, олғаннарны даа школаа тимнебізерге чарир. Чуртағҷыларның чооғынаң, ааллар алысчалар, пар алызығлар чахсы саринзар. Кізілер анзына ӧрінчелер, - теен Светлана Майнагашева.
Сидіксініс Чоғархы Пазада ФАП чох полғаны, пасталығ школаа тыхтағ киректелче, аалдағы библиотеканың пос туразы чоғыл. Виктор Зимин ол сурығларны пӧгерін кӧрібізерге паза кирек тоғыстарны 2018 чылда пастирға чахығ пир салған.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 1 | 2 | 3 | 4 |
Кӱн таңмазы
Хакасияда
Россияда
Тилекейде